កម្លាំងផ្នែករដ្ឋបាលព្រៃឈើសណ្ដាន់និងសង្កាត់រដ្ឋបាលព្រៃឈើទំរីងបានចុះបង្ក្រាប…ខេត្តកំពង់ធំ ៖ នៅថ្ងៃទី២៧ខែមិនាឆ្នាំ២០២០ កម្លាំងផ្នែករដ្ឋបាលព្រៃឈើសណ្ដាន់ និងកម្លាំងសង្កាត់រដ្ឋបាលព្រៃឈើទំរីងបានចុះធ្វើការបង្រ្កាបបទល្មើសព្រៃឈើដែលពួកឈ្មួញបានដឹកជញ្ជូនចេញពីតំបន់ព្រៃឡង់យកមកស្តុបទុកនៅក្នុងភូមិរងខ្នាយឃុំមានរិទ្ធស្រុកសណ្ដាន់(ខេត្តកំពង់ធំ)
ក្នុងកិច្ចប្រតិបត្តការណ៍នេះកម្លាំងរឹបអូសបានឈើប្រភេទឈនបានមួយចំនួនយកមករក្សាទុកនៅកន្លែងផ្នែករដ្ឋបាលព្រៃឈើសណ្ដាន់ដើម្បីធ្វើការវាសវែង ។
ប៉ុន្តែនៅក្នុងការចុះបង្រ្កាបនិងរឹបអូសបានឈើខាងលើនេះមានមតិមហាជនដែលរស់នៅក្នុងឃុំមានរិទ្ធស្រុកសណ្ដាន់ពួកគាគ់បាននាំគ្នាឆ្ងាល់ថា៖
នៅភូមិរងខ្នាយនិងភូមិត្រពាំងឡាយមានកម្លាំងអភិរក្សបរិស្ថានខេត្តកំពង់ធំដែលមានលោកទីខេងជាមេស្នាក់ការឈរជើងនៅទីនោះហើយ ចុះហេតុអ្វីក៏មានបទល្មើសឈើអាចយកមកស្តុបទុកនៅទីនោះបានទៅវិញ ? តើកម្លាំងបរិស្ថានរបស់លោកទីខេងទៅធ្វើការទប់ស្កាត់បង្រ្កាបការកាប់អារនិងដឹកជញ្ជូនផលនិងអនុផលព្រៃឈើបែផ្ទុយជាមានបទល្មើសព្រៃឈើនៅក្បែរខ្លួនលោកទីខេងយ៉ាងនេះ។
ឬមួយក៏លោកទីខេងមេស្នាក់ការរងខ្នាយដែលឈរជើងនៅទីនោះធ្វើជាមិនដឹង មិនឮ?
ឬក៏ធ្លាប់បានទទួលនូវលាភសក្ការ:អំពីឈ្មួញអស់ហើយទេដឹង ?
ហើយបងប្អូនប្រជាពលរដ្ឋដែលរស់នៅក្នុងឃុំមានរិទ្ធបានដាក់សំនួរ ទៅលោកតុបកក្កដាប្រធានមន្ទីរបរិស្ថានខេត្តកំពង់ធំថា តើលោកបានដឹងពីរឿងរ៉ាវរបស់មេស្នាក់ការខាងលើនេះដែរឬទេ ? ឬមួយក៏លោកធ្វើជា កន្ទេលធំ បន្លំដេក ។
ទាក់ទិននិងករណីរឹបអូសនិងបង្ក្រាបទល្មើសឈើខាងលើនេះ ប្រជាពលរដ្ឋកំពុងតែរង់ចាំមើលថាតើបានប៉ុន្មានចំអិនកំពឹស ? ឬមួយគ្រាន់តែជារនាំងឡប់ឡែដើម្បីបំភន់ភ្នែកមហាជន រួចហើយឃុបឃិតគ្នាបើកដៃឲ្យឈ្មួញយកចេញវិញឬយ៉ាងណា ?
ព្រោះនាពេលកន្លងមកចំពោះការបង្ក្រាបបទល្មើព្រៃឈើហាក់បីដូចជាគ្មានប្រសិទ្ធិភាពអ្វីទាល់តែសោះ !
ចាប់ចេះតែចាប់ បង្ក្រាបក៏បង្ក្រាប រីឯព្រៃឈើក៏កាន់តែវិនាសរលាយហិនហោចនៅក្នុងព្រៃឡង់ ។
ជំុវិញព័ត៌មានខាងលើ នេះ គេហទំព័រ (ពន្លឺសន្តិភាព ) យើងមិនអាចសុំការបំភ្លឺពីលោក
ទី ខេង ប្រធានស្នាក់ការបានទេដោយគ្មានលេខទូរសព្ទ អង្គភាពយើងរង់ចាំការបកស្រាយពីលោក ទី ខេង គ្រប់ម៉ោងធ្វើការ ។
TeI :0967976005/0884777854/
