(ខេត្តបាត់ដំបង) ៖ ពលរដ្ឋដែលបានប្រើប្រាស់ភ្លើងអគ្គិសនីនៅក្នុងខេត្តបាត់ដំបង បានសម្ដែងការខឹងសម្បារជាខ្លាំងទៅលើលោក សុខ ហួត ប្រធានក្រុមហ៊ុនអគ្គិសនី ខេត្តបាត់ដំបង គ្មានដំណោះស្រាយជូនដល់ពួកគាត់ ខណ:ដែលគីឡូភ្លើងឡើងទ្វេដង។
ប្រជាពលរដ្ឋបានឲ្យដឹងថា រយ:កាលកន្លងមកនេះពោលគឺចាប់តាំងពីកើតមានមេរោគកូវីដ១៩ មកចរន្តអគ្គីសនីក្នុងខេត្តបាត់ដំបង ដាច់ជាញឹកញាប់ គីឡូភ្លើងឡើងកប់ ខណៈដែលសីតុណ្ហភាពកំពុងតែក្តៅខ្លាំង ហប់ឈឹងគ្មានខ្យល់ផងនោះ បានធ្វើឲ្យប្រជាពលរដ្ឋ និងមន្ត្រីរាជការជាច្រើន ដែលមិនបានចេញទៅធ្វើការនិងរកប្រាក់ចំណូល មានការខឹងសម្បាជាខ្លាំទៅលើក្រុមហ៊ុនអគ្គិសនីខ្វះភាពទួលខុសត្រូវ។
ចំណែកម្ចាស់អាជីវកម្មមួយចំនួនដូចជា៖ផ្ទះសំណាក់ អាហារដ្ឋាន ភោជនីយដ្ឋាន ។ល។ស្ទើរគ្រប់ទីកន្លែង បានរអ៊ូ រទាំ អំពីបញ្ហាខាងលើនេះ ពីព្រោះគីឡូភ្លើងរបស់ពួកគាត់អស់ច្រើនជាងខែមុនៗ។
បើតាមប្រភពពីអ្នកប្រើប្រាស់អគ្គីសនីនៅក្នុងខេត្តបាត់ដំបងដែលកំពុងរងគ្រោះបានសរសេរខមិន(comment)រិះគន់ថា “និយាយពីបញ្ហាភ្លើងវិញបឺតឈាមទាំងរស់សាហាវជាងបង់ធនាគារទៅទៀតធ្លាប់ប្រើអស់ជាង២០ម៉ឺន ឥឡូវអស់ជាង៥០ម៉ឺន”។រីឯអ្នកខមិន(comment)មួយទៀតបានសរសេរថា”ឲ្យច្រាស់ចុះញើសឈាមរាស្ត្រខ្មែរបន្តិចទៀតវានឹងទទួលផលកម្មនៃទង្វើរបស់វាវិញហើយ””ខែ២អស់៩ម៉ឺន ខែ៣អស់១៨ម៉ឺនគុណនឹងពីតែម្តង”។ចំណែកអ្នកខមិន(comment)មួយទៀតបញ្ជាក់ថា “ខែ១អស់៦១៦០០៛ ,ខែ២អស់៨៥៤០០៛,ខែ៣អស់១០៤៣០០៛,ដល់ខែ៤ម៉េចបានខុសគ្នាច្រើនម្លេះ១៨៧៧០០៛យ៉ាងមេច យ៉ាងណាទេ។
តែទោះយ៉ាងនេះក្តី ពលរដ្ឋដែលប្រើប្រាស់ភ្លើងអគ្គិសនីបានលើកឡើងថា នេះជាការដោះសារបស់ក្រុមហ៊ុនតែប៉ុណ្ណោះ ពីព្រោះឆ្នាំមុនៗកន្លងទៅ នារដូវក្តៅដូចគ្នាក៏មិនឡើងដល់ថ្នាក់ហ្នឹងដែរ។
ជាងនេះទៅទៀតពួកគាត់បានលើកឡើងថា ខណ:ដែលថ្នាក់ដឹកនាំកំពុងតែយកចិត្តទុកដាក់ដល់ប្រជាពលរដ្ឋ និងផ្សព្វផ្សាយអំពីបញ្ហាបង្ការការទប់ស្កាត់ការរីករាលដាលជំងឺកូវីដ១៩ ក្នុងនោះក៏មានទាំងការចែកនូវអំណោយមនុស្សធម៌ដល់ពលរដ្ឋខ្វះខាត ដែលនៅតែក្នុងផ្ទះមិនបានចេញទៅខាងក្រៅ តាមការណែនាំរបស់ក្រសួងសុខាភិបាល និងថ្នាក់ដឹកនាំ ដើម្បីការពារការរីករាលដាលនៃជម្ងឺកូវីដ១៩ ដែលពិភពលោកកំពុងតែមានការព្រួយបារម្ភផងនោះ គួរណាស់លោក សុខ ហួត ប្រធានក្រុមហ៊ុនអគ្គិសនីមានចិត្តជួយចែករំលែកខាងចរន្តអគ្គីសនីកុំឲ្យដាច់ជាញឹកញាប់ ដើម្បីជាភាពងាយស្រួលសម្រាប់ប្រជាពលរដ្ឋ បើទោះបីជាមិនបានចូលរួមចំណែកជាថវិការឬសម្ភារៈ ជាមួយរាជរដ្ឋាភិបាលក៏ដោយចុះ។
ទន្ទឹមនេះដែរមហាជន ក៏ដូចជាប្រជាពលរដ្ឋ សង្ឈឹមថាឯកឧត្តម ងួន រតន: អភិបាល នៃគណ:អភិបាលខេត្តបាត់ដំបង នឹងមានដំណោះស្រាយជូនពួកគាត់ និងមានវិធាការទៅលើលោក សុខ ហួត ប្រធានអគ្គីសនីខេត្តបាត់ដំបង ខណ:ដែលលោកខ្វះភាពទទួលខុសត្រូវ គេចវេសមិនដោះស្រាយជូនប្រជាពលរដ្ឋនុះ៕
