ខេត្តរតន:គីរី ៖ ប្រភពពីប្រជាពលរដ្ឋរស់នៅក្នុងមូលដ្ឋាន បានឲ្យដឹងថា ទីតាំងល្បែងជល់មាន់ និងបៀរអាប៉ោង យូគី មួយ កន្លែងនៅក្នុងចំការកៅស៊ូ ដែលស្ថិតនៅ ចំណុចភ្នំអូរត្រាវ ក្រុងបានលុង ខេត្តរតន:គីរី ត្រូវបានបើកដំណើរការ លេងយ៉ាងគគ្រឹកគគ្រេង ឡើងវិញ ចំណែកសមកិច្ច និងអាជ្ញាធរពាក់ព័ន្ធ គឺមិនឃើញមានចំណាត់ការបង្ក្រាប ដូចពេលមុនៗទៀតនោះទេ ។
បើយោងតាមប្រភពពីប្រជាពលរដ្ឋដែលរស់នៅជិតនិងកន្លែងសង្វៀនជល់មាន់ បៀរអាប៉ោងនិងយូគី បានប្រាប់ភ្នាក់ ងារព័ត៌មានយើងថា រាល់ថ្ងៃគេឃើញមានម៉ូតូរថយន្ត សេរីទំនើបៗ ដឹកមាន់ជល់ចូលទៅក្នុងចំការកៅស៊ូ ដើម្បី ណាត់គ្នាបញ្ជុល និងមានល្បែងស៊ីសង យូគី អាប៉ោង លេងភ្នាល់ចាក់លុយចាញ់ ឈ្នះ រាប់ពាន់ រាប់ម៉ឺន ដុល្លា ព្រមទាំងស្រែកហ៊ោរកញ្រ្ជៀវឡូឡា ពេញក្នុងចំការស្វាយចន្ទី នៅពេលគេចាញ់ និងឈ្នះម្តងៗ គឺហាក់បី ដូចជាមិនខ្វល់ខ្វាយឬខ្លាចញញើតនិងច្បាប់អ្វីទាល់តែសោះ ។
ពលរដ្ឋទាំងអស់នោះបានបន្តទៀតថា ម្ចាស់សង្វៀននេះ ពីមុនគាត់ធ្លាប់ជាអ្នកមានអំណាចម្នាក់ ក្នុងខេត្តរតនៈគីរី តែ ឥឡូវនេះ អស់បុណ្យស័ក្តិហើយ ពីព្រោះដល់អាយុ ចូលនិវត្តន៍ ប៉ុន្តែពលរដ្ឋ គាត់ពុំបានបង្ហាញប្រាប់ឈ្មោះ ថា ម្ចាស់សង្វៀនរូបនោះជាឈ្មោះអ្វីនោះទេ តែសម្រាប់ភាពជោគជ័យរបស់ម្ចាស់សង្វៀន គឺពួកគេបានបើកលេងបានយ៉ាងរលូនដោយអត់ឈឺក្បាលជាមួយសមត្ថកិច្ចអ្វីបន្តិចសោះតែម្តង ។
ក្នុងនោះដែរ គេក៏ល្បីថា មានសេនាដៃស្តាំរបស់មេសង្វៀនដ៏ធំម្នាក់ ជាអ្នករត់ការចែកចាយលាភសក្ការ:ដល់សមត្ថកិច្ច តាំងពីថ្នាក់ក្រោម រហូតដល់ថ្នាក់លើ ដើម្បីបិទភ្នែកបិទមាត់បិទករ ជាថ្នូមិនឲ្យមានការចាប់ចង ឬបង្រ្កាបដើម្បីរំខានដល់ ក្រុមអ្នកញៀនល្បែងទាំងអស់នោះឡើយ ។
ប្រជាពលរដ្ឋ សូមសំណូមពរដល់លោក ថង សាវុន អភិបាលនៃគណៈអភិបាលខេត្ត និងជាប្រធានគណ:បញ្ជារការឯកភាពខេត្ត និង លោក ហួត បូរី អធិការនគរបាលក្រុងបានលុង និងលោក ឧត្តមសេនីយ៍ទោ យិន សំណាង ស្នងការនគរបាល ខេត្តរតន:គីរី សូមលោកមេត្តាចាត់ វិធានការបង្ក្រាប និងទប់ស្កាត់បនល្បែងស៊ីសងខាងលើមួយនេះផងទាន កុំឲ្យដូច ព័ត៌មានកំពុងល្បីថា ហេតុដែលក្រុមអ្នកញៀនល្បែងមានឥទ្ធិពលលេងឲ្យផ្អៀងខេត្តបាននោះ គឺព្រោះតែបុគ្គល សមត្ថកិច្ចមួយចំនួន បានទទួលនូវសំណែនសែនព្រេនឬលាភសក្ការ:ចូលហោប៉ៅយ៉ាងស្ងាត់ៗហើយ ទើបពួកគេបន្តបើកដំណើរការលេងល្បែង ស៊ីសងបានយ៉ាងរលូនយ៉ាងដូច្នេះវិញ ៕ Tell.0884777854
(មានបនល្បែងសុីសង បង្ករឱ្យមានភាពវឹកវរក្នុងសង្គម)
