ខេត្តតាកែវ ៖ តាមសេចក្ដីរាយការណ៍ពីប្រជាពលរដ្ឋដែលរស់នៅក្នុងភូមិខ្នារទង់ ឃុំកុមាររាជា នឹងប្រជាពលរដ្ឋនៅក្នុងឃុំលំពង់ ស្រុកបាទី ខេត្តតាកែវ បានឲ្យដឹងថា មានកសិដ្ឋានចិញ្ចឹមសត្វជ្រូកមួយកន្លែងបាននឹងកំពុងតែបង្ហូរទឹកសម្អុយចេញបែកសាយភាយគ្រប់ទីកន្លែងធ្វេីឲ្យបះពាល់បរិស្ថាន សុខភាព អនាម័យ នៃការរស់នៅរបស់ពួកគាត់។
សូមបញ្ជាក់ថា៖ ចំពោះកសិដ្ឋានចិញ្ចឹមជ្រូកខាងលេីនេះ គឺមានទីតាំងស្ថិតនៅចំណុចខាងជេីងភ្នំចុងស្លឹកដែលគេកំពុងតែកកាយធ្វេីអាជីវកម្ម ស្ទេីរតែរលាយបាត់រូបទៅហេីយនោះ ! នឹងនៅខាងលិចវត្តភ្នំទទា ភូមិខ្នារទង់ឃុំកុមាររា ជាប់ព្រំប្រទល់នឹងភូមិពានមាសខាងកេីត ឃំុលំពង់ ស្រុកបាទី តាកែវ ។
ចំពោះទឹកសម្អុយដែលម្ចាស់កសិដ្ឋានបានលួចបង្ហូរមកនោះ គឺហូរធ្លាក់ចូលមកទឹកបឹងទំនប់មុខវត្តភ្នំទទានឹងហូរចូលមកទឹកត្រពាំងថ្នល់ស្ថិតនៅក្នុងភូមិខ្នារទង់ ដែលប្រជាពលរដ្ឋបានអាស្រ័យនឹងប្រេីប្រាស់តាំងតែពីជំនាន់ដូនតាមកម៉្លេះ។
កុំថាឡេីយតែមនុស្សមិនអាចប្រេីប្រាស់ឬអាស្រ័យបានប៉ុណ្ណោះទេ ពោលគឺ សូម្បីតែត្រីដែលប្រជាពលរដ្ឋទាំងពីឃុំនេះធ្លាប់តែរក របរនេសាទចិញ្ចឹមជីវិតជាលក្ខណៈគ្រួសារ ក្នុងជីវភាពទីទ័លក្រ តាមរយៈ កាស្ទូច នឹង បបក់ ក៏ងាប់ហិនហោចខ្លោចផ្សារអស់ដែរ ។
ប្រជាពលរដ្ឋទាំងពីឃុំបានដាក់សំណួរ សួរថា៖
(តេីនេះជាការរំលោភបំពាន លេីសិទ្ធិរស់នៅរបស់ប្រជាពលរដ្ឋដែរឬទេ ?)
នឹងសូមសំណូមពរដល់អាជ្ញាធរមូលដ្ឋានគ្រប់លំដាប់ថ្នាក់ក្នុងខេត្តតាកែវ ជាពិសេសលោក ភួន ឈីម អភិបាលនៃគណៈអភិបាលស្រុកបាទី នឹងមន្រ្តីជំនាញផ្នែកខាងបរិស្ថាន ឬមន្ត្រីធនធានទឹក មេត្តាចុះមកពិនិត្យមេីលផងទានខណៈរដូវវស្សាដែលកំពុងតែខិតចូលមកដល់ ទឹកសម្អុយនឹងត្រូវហ៊ាហូរសាយភាយគ្រប់ទីកន្លែងជាក់ជាពុំខានឡេីយ ៕
ទំទាក់ទំនងលេខទូសព្ទ័ 0967976005 0884777854
