ខេត្តតាកែវ ៖ ទីតាំង ល្បែងស៊ីសង ជល់មាន់ អាប៉ាង យោគីមួយកន្លែង ស្ថិតនៅភូមិកំពង់ក្រសាំង ឃុំកំពង់ក្រសាំង ស្រុកបូរីជលសារ ខេត្តតាកែវ បានបើកទ្វារឲ្យអ្នកញៀនល្បែងទាំងជនជាតិវៀតណាមនិងជនជាតិខ្មែរ ប្រមូលផ្តុំគ្នាលេងយ៉ាងគគ្រឹកគគ្រេងជារៀងរាល់ថ្ងៃ បែជាអាជ្ញាធរ មានសមត្ថកិច្ចមើលមិនឃើញ។
ប្រជាពលរដ្ឋលើកឡើងថា៖ទីតាំងជល់មាន់ អាប៉ោងនិងយោគីខ្នាតយក្សខាងលើនេះ បើកលេងជាយូមកហើយ មិនដែលមានអាជ្ញាធរ ឬសមត្ថកិច្ចណាចុះមកបង្រ្កាបម្តងណាឡើយ បើទោះបីជាមានសេចក្តីប្រកាសឲ្យបិទល្បែងស៊ីសង ទូទាំងប្រទេសរបស់ប្រមុខរាជរដ្ឋាភិបាល ពិសេសប្រសាសន៍របស់សម្តេចតេជោ ហ៊ុន សែន កាលពីថ្ងៃទី១៧ ខែកញ្ញា ឆ្នាំ២០២២ កន្លងមកទោះមានអាជ្ញាប័ណ្ណឬមិនមាន
អាជ្ញាប័ណ្ណក៏ដោយ ។
ក៏ទីតាំងសង្វៀនជល់មាន់ខ្នាតយក្ស (ប្រភេទកាសុីណូ)ខាងលើនេះនៅតែបន្តបើកលេងយ៉ាងគគ្រឹកគគ្រេង ផ្គើននិងអនុសាសន៍របស់សម្តេច។
បើតាមសម្ដីម្ចាស់សង្វៀនបានឲ្យដឹងថា ទីតាំងនេះមានច្បាប់ទំលាប់អស់ហើយ នៅឡើយតែមិនទាន់បានដាក់ឈ្មោះជាកាសុីណូអ្វីនៅឡើយទេ។
ចុះបើទីតាំងល្បែងសុីសងខាងលើនៅមិនទាន់មានឈ្មោះ តើគណៈកម្មការគ្រប់គ្រងល្បែងពាណិជ្ជកម្មកម្ពុជាអាចចេញអាជ្ញាប័ណ្ណអោយដោយរបៀបណា ខណៈទីតាំងបនល្បែងមួយនេះមិនទាន់មានឈ្មោះផងនោះ?។
ប្រជាពលរដ្ឋកំពុងមានការព្រួយបារម្ភយ៉ាងខ្លាំងខណៈពេលឃើញក្រុមអ្នកញៀនល្បែងទាំងនោះប្រមូលផ្តុំគ្នាចូលទៅលេងល្បែងស៊ីសងជារាល់ថ្ងៃបែរជាអាជ្ញាធរមានសមត្ថកិច្ចក្នុងមូលដ្ឋានហាក់បីដូចជាគ្មានចំណាត់ការទាល់តែសោះឬមួយក៏លោកស្នងការខេត្តតាកែវមិនទាន់ទទួលជ្រាបពីព័ត៍មាននេះ?
ក្តីកង្វល់បងប្អូនប្រជាពលរដ្ឋសព្វថ្ងៃនេះពួកគាត់មានការព្រួយបារម្ភចំពោះសុខទុក្ខនិងសុវត្ថិភាពរបស់ពួកគាត់ នៅពេលយប់ព្រោះថាបើទីកន្លែងណាមានបើកល្បែងស៊ីសង ទីកន្លែងនោះមិនយូរមិនឆាប់ទេនឹងកើតមានអំពើចោរកម្មដូចជា៖លួច.ឆក់.វ៉ៃប្លន់.និងគាស់ផ្ទះ ជាពិសេសអំពើហឹង្សារក្នុងគ្រួសារ ជាក់ជាមិនខាន ។
លោក វរសេនីយ៍ឯក ជា សុផល អធិការដ្ឋាននគរបាលស្រុកបូរីជលសាគួរតែចាត់វិធានការបង្ក្រាបទីតាំងបើកល្បែងស៊ីសងខាងលើនេះផង មិនគួរណាមើលរំលងទេ ចៀសវាងមានការរិះគន់ពីមហាជន ថាបានទទួលលាភសក្ការ:ពីបនល្បែង។
ប្រជាពលរដ្ឋស្នើរសុំដល់ ឧត្តមសេនីយ៍ទោ ឈាង ផាន់ណារ៉ាស្នងការ នៃស្នងការដ្ឋាននគរបាលខេត្តតាកែវ ពិសេស សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មេត្តាចាត់វិធានការណ៍ ចំពោះទីតាំងល្បែងជល់មាន់ខ្នាតយក្ស ប្រភេទកាស៊ីណូខាងលើនេះផងទាន! ដើម្បីរក្សាបាននូវសុវត្តិភាពក្នុងសង្គម ពិសេសគោលនយោបាយទាំង៧ចំនុចរបស់រាជរដ្ឋាភិបាល ។
អង្គភាព គេហទំព័រ ពន្លឺសន្តិភាព យើងរង់ចាំទទួលនូវការបកស្រាយបំភ្លឺ ពីសាមុីជនដែរពាក់ព័ន្ធ គ្រប់ម៉ោងធ្វើការ។0967976005 , 0884777854
