ខេត្កកណ្ដាល ៖ ប្រភពពីក្រុមឈ្មួញដឹកទំនិញឆ្លងកាត់ស្ថានីយ៍ជញ្ជីងថ្លឹងរថយន្ដតាមបណ្ដោយផ្លូវជាតិលេខ៣ភូមិអូរត្នោតឃុំត្បែងស្រុកកណ្ដាលស្ទឹងខេត្តកណ្ដាល បានបញ្ជាក់ឲ្យដឹងថា សព្វថ្ងៃប្រធានជញ្ជីងថ្លឹងរថយន្តខាងលើកំពុងសប្បាយចិត្តប្រមូ៉លលុយចែកគ្នាធ្វើមានធ្វើបាន យ៉ាងត្រជាក់ចិត្ត ទោះបីជារថយន្តធំៗផ្ទុកលើសទម្ងន់ក៏នៅតែអាចធ្វើចរាចរណ៍ទាំងយយប់ទាំងថ្ងៃបានដោយរលូនដែរ ពោលគឺ÷ ( គ្រាន់តែចុះទៅបង់លុយឲ្យក្រុមមន្ត្រីដែលប្រចាំការនៅស្ថានីខាងលើ ជាការស្រេច )។
ទង្វើរទាំងអស់នេះហើយមិនគួរណា ! លោក ប៉េង ពោធិ៍នា
ររដ្ឋមន្ត្រីក្រសួងសាធារណៈការនិងដឹកជញ្ជូន និងលោក មុឹង យូឡេង ប្រធានមន្ទីរសាធារណការនិងដឹកជញ្ជូនខេត្តកណ្ដាលបែរជារក្សាភាពស្ងៀមស្ងាត់ហាក់ធ្វើមិនដឹងមិនឮ ឬមួយក៏ដូចជាពាក្យគេនិយាយថា (កន្ទេលធំបន្លំដេក ) ឬក៏យ៉ាងណានោះទេ?។
ក្រុមអាជីវករតូចធំដែលដឹកជញ្ជូនទំនិញពីខេត្តផ្សេងៗជាពិសេសក្រុមដឹកជញ្ជូន ដី ខ្សាច់ ថ្ម ឆ្លងកាត់ស្ថានីយ៍ជញ្ជីងថ្លឹងរថយន្តផ្លូវជាតិលេខ៣ភូមិអូរត្នោតឃុំត្បែងស្រុកកណ្ដាលស្ទឹងខេត្តកណ្ដាល បានឲ្យដឹងទៀតថា ទោះបីជាពួកគេផ្ទុកលើសទម្ងន់ ឬមិនលើសទម្ងន់ក៏ដោយ ក៏ត្រូវតែចុះទៅបង់លុយថ្លៃបាយថ្លៃកាហ្វេតាមការកំណត់ របស់ក្រុមមន្ត្រីដែលប្រចាំស្ថានីយ៍ជញ្ជីងថ្លឹងរថយន្តនេះជាប្រចាំដែរ មានន័យថា÷(ដឹកលើសក៏ត្រូវតែបង់លុយ បើដឹកមិនលើសក៏ត្រូវតែបង់លុយ ) ហេតុដូច្នេះហើយត្រូវតែដាក់ឲ្យលើសហ៊ាហូរអាចនឹងតទ្រុងទៅលើទៀតក៏បានដើម្បីទប់ទល់ថ្លៃបង់ឲ្យក្រុមមន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្ត ទើបបានរកផលចំណេញឃើញ។
ហេតុនេះហើយទើបមានការអំពាវនាវនិងសំណូមពរដល់លោក គង់ សោ ភ័ណ្ឌអភិបាលខេត្តកណ្ដាលក៏ដូចជា លោក ប៉េង ពោធិ៍នា
រដ្ឋមន្ត្រីក្រសួងសាធារណ:ការនិងដឹកជញ្ជូនមេត្តាជួយចាត់វិធានការទប់ស្កាត់នូវអំពើពុករលួយ របស់ ប្រធាន និងក្រុមមន្ត្រីប្រចាំស្ថានីយ៍ជញ្ជីងថ្លឹង រថយន្តផ្លូវជាតិលេខ៣ភូមិអូរត្នោតឃុំត្បែងស្រុកកណ្ដាស្ទឹងខេត្តកណ្ដាលនេះផងទាន។
បើពុំមានវិធានការទប់ស្កាត់និងត្រួតពិនិត្យឲ្យបានស៊ីជម្រៅទេ នៅបណ្ដែតបណ្ដោយទុកឱ្យក្រុមមន្ត្រីដែលប្រចាំការនៅស្ថានីយថ្លឹងរថយន្តខាងលើនេះធ្វើអ្វីៗស្រេចតែនឹងចិត្តនោះ ពិតជាត្រូវរលាយហិនហោចខូចខាតនៅហេដ្ឋារចនាសម្ព័ន្ធរបស់រាជរដ្ឋាភិបាល ជាពិសេសផ្លូវថ្នល់និងស្ពានដែលជាសរសៃឈាមនៃសេដ្ឋកិច្ចដ៏សំខាន់ ជាក់ជាពុំខានឡើយ ៕
( 0967976005/0884777854
