ខេត្តរតនគីរី ៖ ឈ្មួញឈើ ហាប់ ណាក់ ហៅណាក់ក្បាលធំ ហូវ ជីវ៉ៃ ជាមន្ត្រីអាវុធហត្ថ និងប្រពន្ធឈ្មោះ ស្រី វិជ្ជរ៉ា កំពុងឃុបឃិតកាប់ព្រៃនិងដឹកជញ្ជូនឈើខុសច្បាប់ តាមរថយន្តតូចធំ ជាច្រើនគ្រឿង យ៉ាងរលូន មិនមានសមត្ថកិច្ចណាបង្ក្រាបឡើយ ហើយ កុងត្រូលជជុះរាប់រយកន្លែង កាក់មិនជាប់ ចាប់បានតែរថយន្តដឹកឈើលក់តិចតួច តិចតួច អត់បក្សពួគនិងខ្នងបង្អែកប៉ុណ្ណោះ។
ប្រភពពី ឈ្មួញរកស៊ីតូចតាចបានត្អូញត្អែរ បង្ហើបឲ្យដឹងថា សមត្ថកិច្ច អាជ្ញាធរជំនាញ ពាក់ពន្ធ័ គ្រប់ស្ថាប័ន ដាក់កុងត្រូល កុងត្រូកជជុះ រាប់សិបកន្លែង ដូចជា ពីស្រុកអូរជុំចូលក្រុងបានលុង ពីស្រុកលំផាត់មកលើ នៅលើកំណាត់ផ្លូវជាតិ លេខ ៧៨អា។ហើយ ពីស្រែពក ស្រុកកូនមុំ ឆ្លងកាត់ក្រុងបានលុង ស្រុកបរកែវនិងស្រុកអូរយ៉ាដាវ រហូត ដល់ច្រកទ្វារ អន្ដរជាតិ អូយ៉ាដាវ រាប់សិបកន្លែង ចំពោះរថយន្តដឹកឈើរបស់ឈ្មោះហូវ ជីវ៉ៃ
មិនមានការបង្ក្រាបឡើយ ចំណែកពលរដ្ឋដឹកតិចតួច ត្រូវសមត្ដកិច្ចស្រុកបរកែវនិងស្រុកអូរយ៉ាដាវបង្ក្រាបដោយគ្មានតម្លភាព។
រថយន្តដឹកឈើ បានតម្រូវឲ្យរថយន្ដកាំម៉ារីបាឡែន១គ្រឿងបង់អស់ ( ៤,០០០,០០០៛ ) បួនលានរៀល រីឯរថយន្ដសាំយ៉ុងបង់អស់ ( ៩,៥០០,០០០៛)ប្រាំបួនលានហាសុិបមុីនរៀល មន្ត្រីទាំងនោះកំពុងកាក់បក សប្បាយចែកលុយគ្នា ។
ឈ្មោះ ហាប់ ណាក់ ក្បាលធំ (តំណាងឈ្មួញហូវជីវ៉ៃ)ប្រមូលទិញឈើ ពីចំណុចស្រែគ ស្រុកសេសាន ខេត្តស្ទឹងត្រែងដឹកឆ្លងកាតស្រុកកូនមុំ និងដឹកចេញពីក្រុមហ៊ុនហង់អញ ស្ពានស្រែពកស្រុកកូនមុំ ដឺកទៅប្រទេសវៀតណាម។ ណាក់ក្បាលធំ ដាក់កម្លាំងកម្មករ ប្រហែល៣០នាក់ ដឹកនាំដោយឈ្មោះអេង ឡើងកាប់ឈើនិងឈ្មោះនឿន ប្រមូលទិញឈើ ដឹកតាមរថយន្តធំដឹកជញ្ជូនពីស្រុកវ៉ឺនសៃ ។
ចំណែកស្រុកតាវេង ឈ្មោះណាយ កាប់ឈើយកមកទម្លាក់តាមមាត់ទន្លេមាន២ចំណុច និងមានម៉ាសិនស្ទូចដាក់ រថយន្តសាំយ៉ុងនិងរថយន្តធំ ផងដែរ ដោយហូវ ជីវ៉ៃ ឲ្យ មេកាឈ្មោះម៉ៃ អ្នកមើលការខុសត្រូវ។
ដើមខែវិច្ឆិកា ឆ្នាំ២០១៧ប្រើរូបភាពដឹកជញ្ជូនឈើតាមរថយន្តសាំយ៉ុង ដោយបិតអក្សរ អេ មុខក្រោយងាយស្រួលចំណាំ។តែចាប់ពីពាក់កណ្តាលខែវិច្ឆិកា ឆ្នាំ២០១៧ ឈ្មួញឈើរូបនេះបានកែប្រែដឹកឈើតាមរថយន្តធំ តាមរូបភាពចាស់ដោយបង្កប់ឈើក្រោមសណ្តែកសៀង ដំឡូងមី ។ល។ចំណែកស្រី វិជ្ជរ៉ាជាប្រពន្ធឈ្មួញឈើហូវ ជីវ៉ៃ ដឹកឈើតាមរថយន្តសាំយ៉ុងរហូតគ្មានការប្រែទេ។
ប្រជាពលរដ្ឋ និងសកម្មជនការពារព្រៃឈើ រស់ក្នុងខេត្តរតនគីរី អស់សង្ឃឹម និងគ្មានជំនឿ ទៅលើអាជ្ញាធរដែលមានសមត្ថកិច្ច ព្រោះគ្មានវិធានការណ៍ ឬចំណាត់ការណ៍ទប់ស្កាត់ បង្ក្រាបក្រុមបក្ខពួក ឈ្មួញរត់ពន្ធឈើដុះស្លែទុច្ចរិតបំផ្លាញ់សម្បត្តិជាតិ ដើម្បីប្រយោជន៍ខ្លួន និងបក្ខពួក យកធ្វើមានបាន ហឺហាទាំងនោះឡើយ បើទោះបីជាសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា មានអនុសាសន៍ឲ្យមន្ត្រី កងកម្លាំងប្រដាប់អាវុធដកខ្លួនចេញពីជំនួួញ ឈើក៏ដោយ ហើយសម្តេច បានដាក់បទ់បញ្ជា និងឲ្យអាជ្ញាសឹកដល់អាជ្ញាធរថ្នាក់ខេត្តទប់ស្កាត់បង្ក្រាបបទល្មើស ប៉ុន្តែមន្ត្រីទាំងនោះ ធ្វើមិនដឹង មិនយកចិត្តទុកដាក់ អនុវត្តន៍តាមប្រសាសន៍ឡើយ ហាក់ ដូចជាគ្មានរឿងអ្វីកើតឡើង ។
ប្រភពបន្តថា គេពុំឃើញ លោកអភិបាលខេត្ត ថង សាវុន ជាគណៈបញ្ជាកាឯកភាពខេតរតនគីរី្ត មានវិធាការណ៍ ឲ្យ អាជ្ញាធរមានសមត្ថកិច្ចជំនាញពាក់ពន្ធ័ក្រោមឱវាទ ទប់ស្កាត់បង្ក្រាបនោះទេ កត្តានេះហើយប្រជាពលរដ្ឋរស់នៅក្នុងក្រុងបានលុង ខេត្តរតនគីរី មានការសង្សយ័ថា លោកអភិបាលខេត្ត ថង សាវុន និងមន្ត្រី អាជ្ញាធរជំនាញពាក់ពន្ធ័ ជាអ្នក នៅពីក្រោយខ្នង ក្នុងការធ្វើជុំនួញឈើឆ្លងដែនខុសច្បាប់នេះ បើពុំនោះក្រុមបក្ខពួក ហាប់ ណាក់ .ហ៊ូវ ជីវៃ ក៍មិនអាចធ្វើសកម្មភាពបានឡើយ ។
ប្រជាពលរដ្ឋ ប្រជាសហគមន៍ និងសកម្មជនការពារព្រៃឈើរស់នៅតំបន់ខាងលើ ស្នើរដល់ សម្ដេចក្រឡាហោម ស ខេង ឧបនាយករដ្ឋនាយករដ្ឋមន្ត្រី រដ្មន្ត្រីក្រសួងមហាផ្ទៃ ឯកឧត្តម វេង សាខុន រដ្ឋមន្ត្រីកសិកម្មរុក្ខាប្រមាញ់ និងនេសាទ ឯកឧត្តម សាយ សំណាល់ រដ្ឋមន្ត្រីក្រសួងបរិស្ថាន ឯកឧត្តម សៅ សុខា មេបញ្ជាការអាវុធហត្ថលើផ្ទៃប្រទេស ជួយទប់ស្កាត់បង្ក្រាបបទល្មើសកាប់បំផ្លាញនិងដឹកជញ្ជូនព្រៃឈើខុសច្បាប់របស់លោក ហូ ជីវ៉ៃ នៅខេត្តរតនគីរីនេះផងទាន។
គេហទំពរ័ ( ពន្លឺសន្តិភាព ) 096 7976005_ 088 4777854
