ស្ទឹងត្រែង៖ សមត្ថកិច្ចធ្វើការបង្ក្រាប និងឃាត់ខ្លួនជនសង្ស័យម្នាក់ ពាក់ព័ន្ធករណីជួញដូរគ្រឿងញៀន ដកហូតបានថ្នាំញៀនប្រមាណ១ម៉ឺនគ្រាប់ឯណោះ។
ប្រតិបត្តិការនេះធ្វើឡើងកាលពីព្រឹកថ្ងៃទី១៨ ខែមិថុនា ឆ្នាំ២០១៩ នៅចំណុចស្ពានទី២ ភូមិខាំផាន់ សង្កាត់សាមគ្គី ក្រុងស្ទឹងត្រែង ក្បែរព្រំដែនឡាវ។
សមត្ថកិច្ចបានឲ្យដឹងថា ជនសង្ស័យរូបនេះមានឈ្មោះ ភូម្មា ដាំ ភេទប្រុស អាយុ២៦ឆ្នាំ ជនជាតិឡាវ រស់នៅ ស្រុក សុកុមា ខេត្តចំប៉ាសាក់ ប្រទេសឡាវ ដកហូតបានគ្រឿងញៀន ប្រមាណ១ម៉ឺនគ្រាប់ឯណោះ ។
បច្ចុប្បន្នជនសង្ស័យខាងលើ រួមនិងវត្ថុតាង ត្រូវបានបញ្ជូនទៅកាន់ការិយាល័យជំនាញ ដើម្បីធ្វើការសាកសួរ និងកសាងសំណុំរឿងទៅកាន់តុលាការ ដើម្បីចាត់ការតាមច្បាប់បន្តទៀត៕
