ភ្នំពេញ ៖ គណៈបញ្ជាការឯកភាពរដ្ឋបាលខណ្ឌ៧មករា ដែលដឹកនាំដោយលោក ហៀក ចាន់លាង អភិបាលរងខណ្ឌ៧មករា តំណាង លោក លីម សុភា អភិបាល នៃគណៈអភិបាលខណ្ឌ៧មករា បាន ដឹកនាំកម្លាំងគណៈកម្មការចំរុះ ចុះឆែកឆេរត្រួតពិនិត្យទីតាំងអាជីវកម្មបើកអ៊ីនធើណេត បង្កប់ល្បែងស៊ីសង នៅ R S ផ្ទះ51Eo ផ្លូវ134 ភូមិ4 សង្កាត់មនោរម្យ ដកហូតសម្ភារ ទូរកំព្យូទ័រ២៥គ្រឿង យកទៅរក្សាទុកនៅសាលាខណ្ឌ និងឃាត់អ្នកលេងចំនួន១១នាក់ កាលពីថ្ងៃទី១២ ខែកក្កដា ឆ្នាំ២០១៩ វេលាម៉ោង៩និង០០ ដល់ម៉ោង១៧នាទី ។
លោក នេត ស៊ីថុន អធិការនគរបាលខណ្ឌ៧មករាបានឲ្យដឹងថា កម្លាំងចម្រុះដែលបានចុះត្រួតពិនិត្យ រួមមាន ៖ លោក ណុប វណ្ណា ប្រធានអន្តរវិស័យ, អនុសេនីយ៍ឯក ស៊ន ប៊ុនរ៉ា ព្រហ្មទណ្ឌខណ្ឌ៧មករា, លោកឆោម ឆាយា នាយករងរដ្ឋបាលខណ្ឌ, លោកគ្រួច សុធន នាយករងរដ្ឋបាលខណ្ឌ, លោកណៃ វិបុល តំណាងសង្កាត់មនោរម្យ, លោក ប្រាក់ ហាក់ ប្រធានជីវពលខណ្ឌ, លោកអនុសេនីយ៍ឯក ហ៊ី ចន្ថា នាយរងប៉ុស្តិ៍មនោរម្យ បានចុះត្រួតពិនិត្យទីតាំងអាជីវកម្មបើកអ៊ីនធើណែត ដែលសង្ស័យមានបង្កប់ល្បែងស៊ីសង នៅក្នុងសង្កាត់មនោរម្យ ចំនួន៤ទីតាំង គឺ ៖
1/ចុះនៅទីតាំងអ៊ីនធើណេត R S ផ្ទះ51Eo ផ្លូវ134 ភូមិ4 សង្កាត់មនោរម្យ ដកហូតសម្ភារ ទូរកំព្យូទ័រ២៥គ្រឿង យកទៅរក្សាទុកនៅសាលាខណ្ឌ ឃាត់អ្នកលេង១១នាក់ ធ្វើតេះទឹកនោមឃើញមានសារធាតុញៀនចំនួន៤នាក់ បញ្ជូនឲ្យជំនាញអនុវត្តន៍តាមនីតិវិធី ។ ឯមនុស្សចំនួន៧នាក់ អត់សារធាតុញៀនអប់រំឲ្យត្រឡប់ទៅវិញ។ មានអាជ្ញាប័ណ្ណ (ឈ្មោះហ៊ុន គឹមជាតិ) គណៈកម្មការសំរេចបិទអាជីវកម្មពីពេលនេះតទៅ។
2/នៅទីតាំង S k Y Fi Net ផ្ទះ46Eo ផ្លូវ109 ភូមិ5 សង្កាត់មនោរម្យ ម្ចាស់ឈ្មោះម៉េង ហុងអ៊ីច មានទូរកំព្យូទរ័ចំនួន៦គ្រឿង បិទចោលអត់អ្នកលេង គណៈកម្មការបានធ្វើកំណត់ហេតុអប់រំមិនឲ្យមានបង្កប់ល្បែងស៊ីសង។
3/ទីតាំងសេវាអ៊ីនធើណេតវិស័យព័ត៌មាន (10Net) ផ្ទះ46Eo ផ្លូវ109 ភូមិ5 សង្កាត់មនោរម្យ មានទូរកំព្យូទ័រ៧គ្រឿង មានលិខិតអនុញាតិឈ្មោះ ឡុង ស្រីនី ភេទស្រី អាយុ២២ឆ្នាំ គណៈកម្មការបានធ្វើកំណត់ហេតុអប់រំមិនឲ្យមានលេងល្បែងស៊ីសង។
4/ទីតាំងសេវាអ៊ីនធើណេត វិស័យព័ត៌មាន (A15Net) ផ្ទះ2Eozផ្លូវ134 ភូមិ5 សង្កាត់មនោរម្យ មានទូរកំព្យូទ័រ12 មានលិខិតអនុញាតិឈ្មោះ ឡុង ស្រីនី គណៈកម្មការបានធ្វើការណែនាំអប់រំមិនឲ្យមានលេងល្បែងស៊ីសងឡើយ៕
